市政局百周年纪念花园（英文：The Urban Council Centenary Garden）系香港一个公园，由康乐及文化事务署管理，喺九龙尖沙咀东，香港科学馆以南，四面都俾购物商场大厦包围住。

市政局百周年纪念花园嘅位置前身系九广铁路连接何文田同尖沙咀站之间路轨嘅其中一段。1950年代，呢度曾经有中途站。九广铁路将终点站改为红磡站之后，将路轨拆咗。原址就开辟成为公园，喺1983年启用，咁啱系市政局成立100周年，所以就得到呢个名。

公园近漆咸道南同金马伦道有一座长形嘅喷水池，池边有六条由旧尖沙嘴火车站搬过来嘅希腊式石柱[1]。近么地道𠮶度亦有一个大型圆形喷水池。