财务报表系用嚟表达一间企业或者机构嘅财务活动同埋状况，有四个主要嘅组成部分。

财务报表嘅作用系尽可能清晰、简明咁为读者提供有关企业嘅财务信息。企业嘅财务报表通常包括损益表、资产负债表、权益变动表同现金流量表。

会计期间一般系以月做单位（某些地区甚至以星期为单位），内部用嘅财务报表唔需要审核，读者主要系机构嘅管理层。对外公布嘅财务报表通常一年披露一次，上市公司会系每半年披露一次，甚至按季披露。对外公布嘅财务报表相对要求严格，须要由独立核数师审核，就报表嘅“真实及公平”作出专业意见，读者主要系机构嘅持份者，好似系股东、银行、税务局等等。对外嘅财务报表需要根据相关会计准则、公司法，甚至系证券交易所嘅要求，进行额外嘅详细披露。财务报表通常由独立核数师进行审核，以确保报表嘅准确性同独立性，作为政府税收、企业融资或者投资之用。经审核过嘅财务报表要喺每年嘅股东周年大会上，俾股东审阅同提问。

呢篇同会计有关嘅文章系楔位文。欢迎帮维基百科扩写佢。