香港新市镇喺1973年开始发展，而家已经发展咗9个新市镇（香港政府以前叫卫星城市），应付香港人口增长，同埋分散挤迫市区入面嘅人口，改善香港人居住环境。现时嘅新市镇有：荃湾（包括葵涌同青衣）、沙田（包括马鞍山）、屯门、大埔、粉岭同上水、将军澳、天水围、东涌。呢啲新市镇都属于唔同嘅新市镇发展阶段。全面发展后，可以容纳大概400万人口。不过，政府目前唔会进一步再发展大型新市镇、而系发展好似启德啖嘅中型新发展区同新界嘅新发展区。

由沙田同屯门开始，差唔多每个新市镇都有刻意规划嘅“市中心”区域（都有次一级嘅市中心，譬如青衣同马鞍山），集中所有最重要嘅市政设施，例如大会堂、公共图书馆、法院、市镇主公园、交通枢纽、大型商场等等。现时设有明确市中心嘅新市镇有屯门、沙田、将军澳同元朗等等。