《大铁人28》、《铁甲万能侠》、《三一万能侠》呢啲经典动漫之名如雷贯耳，就算冇睇过当年播放嘅动漫，打过《机战》都应该耳熟能详。而近日有日本网民发现呢三部作品推出嘅周边产品，竟然包括拐杖，就令佢哋感慨良多。
さっきイオンで见たんだけどこの年代が杖をつく时代になったのねと远い目 pic.twitter.com/KYw5JrVV1W
以《铁甲万能侠》为例，动画最早于1972年年尾首播，假设当年嘅观众系一个10岁小朋友，亦即呢个小朋友系1962年出世，至今已经系58岁，如果以同样方法去计1956年开始漫画连载嘅《铁人28》，当年10岁嘅读者今年更加高达74岁，的确系有可能要用到拐枚嘅年纪，如果咁睇，《铁人28》、《铁甲万能侠》会出拐杖做周边都的确系合情合理。
而日本网民见到呢Set 拐杖，纷纷慨叹时间过得太快，亦有人话，可能过多几年到我哋呢个世代老啦，可能《美少女战士》、《游戏王》、《EVA》、《One Piece》、《龙珠》甚至《百变小樱》都会出拐杖，到时老毒男就系斗边个碌拐杖有型啲。
实际上呢Set“昭和机器人拐杖”系由Bandai与专出老人护理用品嘅幸和制作所于2018年合作推出，售价为9800Yen (约HK$715)，都唔平架！