炼金术（英文 Alchemy，日文写做炼金术）系中世纪嘅一种化学哲学嘅思想同实践，系当代化学嘅雏形。目标系透过化学嘅方法，将一啲基本金属变成黄金，制造万灵药同制备长生不老药。
而家嘅科学表明呢种方法系行唔通嘅，但系直到19世纪之前，炼金术重未俾科学证据所否定。连牛顿同一班出名嘅科学家都试过炼金术。现代化学嘅出现，先至令人怀疑炼金术嘅可能性。
炼金术经过现代科学证明系行唔通嘅。但系作为现代化学嘅先驱，喺化学发展史上起到一定嘅积极作用。透过炼金术，人累积咗化学操作嘅经验，发明咗好多种实验架生，识到好多只天然矿物。炼金术喺欧洲成为现代化学嘅发展基础。