瑞士（德文：die Schweiz；法文：la suisse；意大利文：Svizzera；罗马传语：Svizra），全名为瑞士邦联（德文：Schweizerische Eidgenossenschaft；法文：Confédération suisse；意大利文：Confederazione Svizzera；罗马传语：Confederaziun svizra），系一个位于中欧嘅邦联制国家，同德国、法国、意大利、奥地利以及列支敦士登接壤。瑞士亦系世界著名嘅中立国，历史上一直保持政治同军事上嘅中立，但系佢亦都参与国际事务，好多国际性组织嘅总部都设喺瑞士。

瑞士嘅ISO 3166双罗马字母国家代号系CH，呢个代号系嚟自法文 confédération helvétique同拉丁文 Confœderatio Helvetica。

早喺1291年已经出现咗瑞士联盟，1499年正式自神圣罗马帝国独立。瑞士而家嘅联邦政府体制，系喺1848年施行嘅《瑞士联邦宪法》确立。

瑞士国土主要喺阿尔卑斯山脉入面，有好多高山同湖泊，当中最出名嘅山峰系少女峰。

瑞士虽然国土唔大，但佢经济市场好成熟，尤其系制造业，全世界一半嘅表都系由瑞士出产。瑞士法郎亦系世界其中一只主要货币。瑞士银行嘅保密制度，亦吸引世界唔少有钱人嚟存钱。

瑞士人口大约820万，而外来嘅人多数都系嚟自欧盟成员国，主要系意大利、德国同法国。

瑞士有四只官方语言，大约六成半人口用德文，两成人口用法文，一成人口用意大利文，重有一只唔够一个百分点人用嘅罗马传语。

瑞士有十个城人口过五万，用人口排：

响维基新闻度有一单新闻系同呢篇文有关：

维基语录收录咗同呢篇文相关嘅摘录： de:Schweiz

维基游埠有呢篇旅游嘅资源：瑞士（德文）