急救医疗技术员（英文：Emergency Medical Technician，以下简称E.M.T.），又叫做救护车司机、救护车助理、救护员，系一啲国家地区用嚟称呼𠮶啲提供紧急医疗服务嘅人[1]。

E.M.T.可能受雇于紧急服务单位、卫生部门、或者医疗机构；可能系全职、兼职、或者义务。佢哋通常都系回应紧急召唤、运送病人去医院、同埋根据医生/医疗顾问嘅指示执行某啲治疗项目。E.M.T.通常接受过某程度嘅训练，可以评估病患嘅伤势病情，并且因应症状而使用各种治疗，例如帮呼吸困难嘅病人保持呼吸道畅通、好似心肺复苏、处理心脏纤维性颤栗、控制严重外出血、预防同处理休克、固定病患身体以防止脊髓损伤、以及用夹板固定骨折等等。