生活水准（英文：Standard of living）一般用人均实际收入（即调整通货膨胀）同贫困率等标准衡量，其他标准包括健康护理品质、收入增长不均同教育水准，例如有某啲商品嘅多少（例如每一千人嘅冰箱数量），或反映健康个指标如预期寿命。生活水准系人可以生活喺一个时间同地点而满足佢哋嘅需要同想要嘅容易程度。
生活水准唔同生活质素，后者考虑到物质嘅生活水准同其他生活嘅元素，例如休闲、安全、文化资源、社交活动、健康、环境品质问题等，呢啲判断必须基于更复杂嘅评估方法，而判断往往牵涉到政治，继而引起争议。即使喺两个国家或社会有类似嘅物质生活水准，两者都可能因生活品质嘅因素而有唔同嘅吸引力。