新福尔摩斯（英文：Sherlock），系一部由英国BBC拍嘅电视连续剧，改编自柯南道尔爵士嘅福尔摩斯侦探小说。呢套剧将原著嘅故事背景从19世纪大英帝国鼎盛时期搬到去21世纪英国繁华热闹嘅大都市。

呢套剧嘅编剧系史蒂芬·莫法特同马克·加蒂斯。福尔摩斯同约翰·华生两角就分别由班尼狄甘巴贝治同马田·费曼饰演。继2009年末播出嘅试播集之后，各90分钟嘅第一季共三集剧集2010年7月、8月喺英国广播公司第一台同英国广播公司高清台播放；第二季嘅三集喺2012年1月播放，同年5月喺美国嘅英国广播公司美国台同PBS公共电视网频道播放。第三季2014年1月1号开始喺英国播出，收视率平均达1182万人次，成为英国自2001年以嚟，收视率最高嘅电视系列剧。呢部影集已经喺超过200个国家同埋地区播放。