《以斯帖记》系《旧约圣经》嘅历史书，天主教译做《艾斯德尔传》，讲述一位犹太妇女嫁畀外邦国王之后，保护同胞嘅故事。

以斯帖记嘅故事发生喺波斯皇宫度。成个故事以犹太女子以斯帖做中心。由于勇敢同爱同胞嘅心，以斯帖救本国人民脱离仇国杀戮。呢卷书解释犹太人普珥节嘅历史同背景。

以斯帖被按立为皇后（1章1节-2章23节）

哈曼嘅阴谋（3章1节-5章14节）

哈曼伏刑（6章1节-7章10节）

犹太人击败仇敌（8章1节-10章3节）

唔同版本嘅差别[编辑]

七十士译本嘅以斯帖记有大量希伯来文版冇嘅经文，内容包括国王诏书嘅内容等等，尔啲额外内容喺基督宗教被视为次经，称为 “补录”，早期嘅拉丁文译本摆嗮佢哋喺卷尾，但系现代嘅天主教译本就将佢哋独立成章，按照七十士本嘅原次序分散嵌入其他章入面[1]，分别叫做补录甲（Chapter A；嵌入第1章头）、乙（嵌入第3章尾）、丙、丁（嵌入第4章尾）、戊（嵌入第8章中间12–13节之间）同己（嵌入第10章尾），基督新教嘅译本就通常冇尔啲内容。