科学化管理（英文：scientific management）系一套管理风格，旨在于用科学方法提高一个组织嘅经济效率。

科学化管理喺 1910 年代兴起。科学化管理将每个员工想像成有某啲特定责任嘅个体，强调分工（division of labor）能够有效啖令到每个员工用少啲时间资源嚟生产同一分量嘅产出，令效率提升。科学化管理建基于以下呢几条基本原则[1][2]：

每个员工集中研究佢要做嘅工作，提升自己喺𠮶方面嘅技能；

每一种工作都因为啖而有咗某啲标准嘅做法；

管理人员按照每个员工嘅专长分配工作，并且喺适当嘅时候提供训练机会；

每一种工作都有一个评估表现嘅方法，而管理人员要按照表现嚟奖励做得好嘅员工。

科学化管理喺廿世纪早期算系好革命性嘅创新，令到员工由“样样工作都做啲”变成专化啖做某啲特定工作（睇埋学习曲线），亦都导致咗管理人员开始留意唔同员工嘅专长。某程度上，科学化管理令到管理学开始将员工视为独一无二嘅个体，令到员工训练变成一样个人化嘅嘢[3][4]。