里约热内卢（葡萄牙文：Rio de Janeiro，意思系“1月嘅河”），简称里约，细过圣保罗，系巴西第二大城市，1960年之前系巴西嘅首都，属于巴西东南部嘅里约热内卢州。话说葡萄牙人发现里约热内卢𠮶阵咁啱系1月，所以就改咗个咁嘅名。

2009年10月2号国际奥委会喺丹麦首都哥本哈根第121届会议投票决定2016年夏季奥林匹克运动会会喺呢度举办，呢一届奥林匹克运动会亦都系第一次喺南美洲大陆举行。

里约热内卢属副热带湿润气候，全年高温，一年入面有干季同湿季，年降雨量喺1500毫米左右。喺5月到11月嘅干季，由于受副高或者干燥信风带控制，气流干燥以下沉为主，唔易形成降水；喺12月到4月嘅雨季，由于受赤道低压带或者赤道西风控制，降水丰富，降水类型多数系对流雨。

维基游埠有呢篇旅游嘅资源：里约热内卢（葡萄牙文）