巴西（粤拼：baa1 sai1；葡萄牙文：Brasil），正式叫巴西联邦共和国baa1 sai1 lyun4 bong1 gung6 wo4 gwok3（葡萄牙文：República Federativa do Brasil）系南美洲一个大国家，人口同面积都系世界第五大。而响南美洲巴西系最大同最多人嘅国家。
由于历史上曾经系葡萄牙殖民地，巴西嘅官方语言系葡文。
巴西位处南美洲近赤道嘅平原，有差唔多成条亚马逊河贯穿住。亚马逊河系世界上流量最大嘅河流。巴西大部分地方都系热带雨林，即系亚马逊森林，自然资源丰富。因为位处赤道，雨水充足，阳光亦都好充沛。
巴西嘅人口都系集中喺东南部沿海地区，例如大城市里约热内卢就系喺呢度。 但系近几十年，佢嘅生态环境亦因为经济起飞而受到好严重嘅破坏，例如道路建设、水坝、城市建造、农业开发、大规模斩树、火灾、采矿、开采石油、气候变化等，继而一个又一个嘅大片森林消失，因为水土流失嘅关系而导致河边或山区地势变形。
巴西主要都系靠自然资源揾食，例如佢嘅主要出口货品都系一啲咖啡、大豆、铁矿石等等。所以巴西嘅农业、采矿业都系比较发达。
如果以拉丁美洲嚟讲，巴西嘅国内生产总值系南美洲第一位。
巴西嘅人口都集中喺东南部沿岸，亚马逊森林人口就好少，都系一啲土著。而东南部嘅人都系欧洲人嘅后代。佢哋嘅祖先主要系葡萄牙人、意大利人、西班牙人同埋德国人等等。
根据2008年嘅统计，巴西有大约一亿八千六百万人口，而东南沿海就有七千八百几万，大约系巴西人口总数嘅42%。
维基游埠有呢篇旅游嘅资源：巴西（葡萄牙文）