《诗篇》（天主教译《圣咏》，唐朝景教译《多惠圣王经》）系古代以色列人对上帝真正敬拜嘅人所记录嘅一辑受感动嘅诗歌集，包括150首可以用音乐伴唱嘅神圣诗歌，畀人喺耶路撒冷嘅圣殿里面对主公开崇拜𠮶时唱。

诗篇系圣经中嘅诗歌同祷文，由唔同嘅作者喺唔同嘅时间写成。呢啲诗歌同祷文经以色列人搜集编订，喺崇拜𠮶时应用，最终被收喺圣经里面。

诗篇中嘅诗歌包含好多种类，有颂赞上帝嘅诗歌，有祈求帮助、保护、拯救嘅诗歌，有恳求赦罪、感谢神恩嘅诗歌，亦有要向仇敌报复嘅祷词。呢啲祷词嘅性质有个人嘅，亦有民族嘅。有啲表达个人内心感受，有啲反映上帝子民全体嘅愿望。

耶稣曾经引用诗篇，新约圣经嘅作者亦经常引用。早期嘅教会喺开始就喺崇拜时采用诗篇。