古埃及艺术(Ancient Egypt art)系指古埃及(活跃于公元前 3100 至 332 年之间嘅尼罗河流域)嘅艺术。

古埃及系一个喺整雕塑上好出名嘅古文明。古埃及人有高超嘅石雕技术,能够创造出好似狮身人面像等举世闻名嘅作品,当中狮身人面像极之巨大,系一个由前髀到尾有成 73 米长、由底到头顶 20 米高、由正面睇有 19 米阔嘅石灰岩雕像[1],而古埃及嘅神殿里面都有大量嘅雕像描绘阿努比斯同芭丝特等古埃及人相信嘅天神。除咗呢啲大雕像之外,古埃及亦都出好多细啲(大约大人咁高)嘅雕像或者系喺神殿等建筑物嘅墙上面嘅浮雕。呢啲作品对于考古学家研究古埃及文艺有重大嘅帮助[2]。