电视机遥控器系硬件包有固件嘅例。固件监视啲掣，控制 LED，并处理啲掣嘅操作，向电视机发出数据。实际上，电视嘅主板亦都有复杂嘅固件。

固件（firmware），系一种嵌入喺硬件装置中嘅软件。通常佢喺特殊应用积体电路（ASIC）或者可程式逻辑装置（PLD）之中嘅闪存或者EEPROM或者PROM入面，有啲可以俾使用者更新。可以应用喺广泛嘅电子产品入面，由遥控器、计数机去到电脑嘅键盘、硬盘，甚至工业机器人入面都可以见到佢嘅身影。

顾名思义，固件嘅所在系位于软件同硬件之间嘅。好似软件一样，佢系一个俾电脑执行嘅程式。但系佢对于硬件嚟讲系更加贴近同更加重要嘅部分，而对于外在嘅世界嚟讲冇乜重要意义。