喺动态系统嘅研究里面，相图系指将一个动态系统嘅轨迹用绘图嘅几何方式表示喺一个相平面上面，用嚟研究𠮶个系统喺某啲固定参数下嘅特性。呢啲动态系统里面嘅物理量之间嘅关系通常会用一啲微分方程或者方程组表示。通常用相图嚟研究动态系统里面嘅一啲物理量系因为对呢啲物理量会唔会随着时间推演而出现吸引子、排斥子或者极限循环有兴趣。
单摆系其中一种最简单嘅动态系统。佢嘅相图可以跟据有冇空气阻力喺度而分成两种情况探究。喺呢个探究里面，假设条绳系冇质量同埋绷紧嘅。
当冇空气阻力嘅时候，只有两道力作用喺单摆波上面：自身重力同埋绳嘅张力。因为个波进行嘅系圆周运动，佢嘅移动方向相对于条绳系切向嘅。根据牛顿第二定律，将重力拆部件之后，剩系考虑切向嘅净力，可以得到：