元资料,又称元数据,诠释资料,中继资料,后设资料等,为描述资料嘅资料。主要是描述资料属性嘅资讯,用来支持如指示储存位置,历史资料,资源寻找,文件记录等功能。元资料算系一种电子式目录,为了达到编制目录嘅目的,必须在描述并收藏资料嘅内容或特色,进而达成协助资料检索嘅目的。简单嚟讲就系要将每样嘢标签化!

我谂近排讲得最多嘅应该系标签化嚟三个字!点解?其实都系同数据分析有关,因为好多嘅讯息如果无一个统一嘅标签系好难去做有效嘅分析。所以好多嘢都要有一个标签,之后每个标签都要会有相关嘅属性去作再深层次嘅分析。因为标签化咗之后,我哋就可以揾出物件与物件之间嘅关系,令我哋可以更加清楚因果。不过要有效地分析嘅话系需要一个统一嘅标准!

最基本嘅分析就系利用两组嘅标签去做对比,而得出嘅结果视乎有几多属性。所以越多属性就会有越多嘅可能性,而基本每个标签最少要有九个属性,所以就等同九嘅二次方,即系八十一个可能性。当然标签同属性嘅命名系好重要,因此分析系其次,反而系要一套有效标签系统先至可以帮到之后所做嘅分析变得更有指向性,如果唔系又系一个浪费好多时间同精神嘅工作!

五十九我谂今个月最开心嘅就系迪士尼开返!因为又可以唔驶谂同佢去边放电。当然依家要预早七日订位,不过好彩系佢开返嘅第一个星期六已经可以去到。真系整整五个月无去过,而感觉好似第一次去咁见到啲新嘢都会话嚟啲之前无㗎㖞!除此之外,今个月真系唔记得去咗几多次海滩,真系一好天同有时间都会去,因为真系唔知同佢可以做乜。之前谂住佢大个咗可以试过去行街,但系到最后都系揾自己嚟搞。有话攰,又话闷,真系激死!本地化过去十几二十年,好多行业都会将业务全球化,将好多工作都外判俾其他公司同国家去处理。当然目的系控制成本同营运风险!不过因为今次嘅疫情令好多公司再一次研究全球化嘅利与弊。对于资讯科技相关嘅业务其实相对影响比较少,因为只要网络仍然运作正常,基本上工作依然可以系屋企做。当然如果连网络都受到影响嘅话,咁就真系乜都冇得做啦。当然或者你同我都唔觉,事关大家都会觉得所有嘢都系理所当然。只不过我哋每一日嘅日常生活都系取自地球嘅资源,而且有啲资源系会有用完嘅一日。虽然现今科技发达,但系好多生物都面临绝种!原因系因为我哋人类不断令到好多野生动物无办法正常生活。而当大家认为𠮶啲动物威胁自己嘅时候就选择去夺取佢哋嘅生命!其实佢哋做错咗啲乜呢?到处奔跑的香港人,毕业于澳洲麦觉理大学工商管理硕士,近年专注数据分析行业推广同发展。曾从事平面设计,网站开发,企业管理及商业咨询等工作。早于 2009年开始举“香港数码分析星期三”同“亚洲数码分析高峰会”。于 2010 年创办 Beehive Strategy (蜂策略),为亚太地区不同企业提供数据分析服务。现时亦是“香港数码分析协会”创会会长及香港浸会大学客席讲师。 [URL]