大象天奴，系荔园动物园里面嘅“镇园之宝”，系一只雄性嘅亚洲象，亦都系香港唯一长期饲养嘅大象。佢喺1958年随同沈常福马戏团由缅甸嚟到香港表演，之后再运到荔园动物园长住，一直生活喺面积只有几百平方呎嘅兽笼入面，过住跪地乞食嘅辛酸生活。响1989年2月3号因为染上急性肺炎而被人道毁灭，后嚟被运去将军澳垃圾堆填区埋葬。呢点已成为1950年代至1970年代香港人嘅重要嘅集体回忆之一。
响动物园里面，就只有扬子鳄“亚细”，系同佢同年入园。一啲动物权益组织多次向荔园动物园投诉天奴嘅生活问题同照顾情况，亦投诉天奴嘅死系疏忽照顾所致。
据资料显示，大象“天奴”每日食2餐，分量大约有200斤，包括草、生果、饭等。每日大约花100蚊港币去养佢。而全盛时期，卖生果嘅小贩，每月可赚二、三千蚊港币。