西贡墟天后古庙同协天宫喺香港新界西贡区西贡市中心普通道，天后庙同协天宫相邻紧接喺一齐，佢哋唔系同时起嘅，由“西贡街坊值理会”打理，喺1996年被评为三级历史建筑，2009年12月18号改被评为香港二级历史建筑。呢座庙唔单止系西贡区嘅宗教中心，更系地区政治、经济、乡事、教育同医疗嘅发源地。

天后庙起嘅年份已经无从稽考，据说已有百几年历史，曾经喺1965年同1993年重修。

“协天宫”又叫“关帝古庙”，原本喺西贡墟里面“趸场”即而家“西贡医局”嘅位置，因为日久失修，乡民决定夹钱重修，喺1916年（民国五年）将间庙搬到现址，同“天后古庙”起埋一齐。

“协天宫”门额系“协天大帝”，两边对联系广东探花陈伯陶所写：“正汉一心 贯彻千秋忠义气，空曹两目 看开万古帝天模”。

呢篇西贡墟天后古庙及协天宫系香港建筑嘅楔位文章，重未完成嘅。麻烦你帮手补充佢嘅内容。