俄罗斯联邦军队（俄文：Вооружённые си́лы Росси́йской Федера́ции），系俄罗斯嘅军队，前身系前苏联喺俄罗斯嘅驻军。1992年5月，时任俄罗斯总统叶利钦签署建立俄罗斯联邦国防部嘅命令，接管一切俄罗斯联邦境内嘅前苏联军队，俄罗斯联邦军队正式成立。俄罗斯军队嘅最高指挥官系俄罗斯联邦总统，现任总统系普京。

截至2005年，大约有33万个后生仔通过每年两次嘅征兵进入俄军服役；根据依家嘅俄罗斯法律，90%嘅俄罗斯后生仔唔使服兵役[1]。

喺俄军内部，老兵欺凌新兵嘅现象好严重。2007年3月，俄罗斯颁布法令，将服役期限由24个月减至18个月， 应对呢个欺凌现象[2]。从2008年1月起，俄军嘅服役期进一步减到1年[2]。

截至2005年，只有30%嘅俄军人员属于合同制志愿兵[3]。俄军计划喺2007年之前将俄军嘅人员结构调整为70%嘅合同制志愿兵和30%嘅征召式义务兵[3]。到2006年11月，俄军共有大约60支部队同78000名合同制志愿兵[3]。俄军女兵嘅数量比男兵少得多，2007年有超过92000个女性喺俄军服役[3]。俄军有好多预备役人员，以便喺常备军无法应付冲突𠮶阵紧急动员[4]。

俄军军费正以30%嘅比例逐个财政年度上升，家阵嘅俄军军费系过去6年嘅几乎四倍。据俄罗斯财政部长阿列克谢·库德林声称，呢个军费比例将会维持到至少2010年[5]。俄罗斯政府2007年嘅军费开支高达大约324亿美金，但系唔少其他信息来源指出，俄罗斯实际上嘅军事开支唔止官方公布嘅数字[6][7]。