动作 RPG 结合动作游戏同 RPG，考验玩家嘅反应同手眼协调之余仲有“玩家角色得到经验值同变强”嘅机制。
喺一只典型嘅动作 RPG 当中，只游戏要求玩家亲手控制自己嘅角色移动同攻击（好似动作游戏啖），而唔似得传统嘅 RPG 啖，俾玩家斋靠用选单俾命令嚟控制自己嘅角色，不过只游戏同传统嘅 RPG 一样，战斗过后角色会得到经验值同升呢；同时因为啖，动作 RPG 好多时都冇传统嘅 RPG 咁睇重角色嘅能力值－例：喺传统嘅 RPG 𠮶度，一个角色有冇成功打中敌人系由佢嘅能力值话事嘅，但喺一只动作 RPG 里面，因为角色系由玩家亲手控制嘅，所以个角色有冇成功打中敌人取决于玩家嘅技术[1]。
动作 RPG 喺电子游戏早期经已存在，而且到咗廿一世纪都仲有发展紧：呢种游戏类型源自 1980 年代，由《屠龙剑系列》（Dragon Slayer）同埋《伊苏系列》（Ys）等嘅作品带起。而廿一世纪初出名嘅动作 RPG 就有《最终幻想系列》嘅某啲作品（例如系《最终幻想 XV》）、有射击成分嘅《质量效应系列》（Mass Effect）同埋《暗龙纪元系列》（Dragon Age）嘅多部作品[1]。