众所周知中国系一个地大物博嘅国家，而喺地大物博背后亦都伴随住一个问题，就系南北嘅水资源分布唔平均。每年南方都有唔少丰富嘅水流流入大海，而北方就有唔少地区好似京津冀地区受到长期嘅干旱缺水，甚至人均水资源远远低于国际标准，严重影响到工农业生产。
为咗解决呢个问题，其实早喺1950年代就已经开始研究点样进行“南水北调”呢个工程。经过多部门、多次会议、几十年嘅探讨，最终就决定分别由长江上、中、下游进行调水，亦即系后来嘅西线工程、中线工程、东线工程。而当成个工程完成之时，每年其实就有一条黄河嘅水量可以利用，绝对保障到中国粮食安全，促进到西部大开发。
而呢件意义咁深远嘅事件，就喺2002年12月27日正式展开，直到2021年初，南水北调工程就已经累计调水超过400亿立方米。