半山区系香港嘅一个高尚住宅区，系太平山山顶同中环之间，居民多数属中产阶级；邻近中环银行办公室商业中心区，交通好方便。

具体定义，半山区东由湾仔区同中西区嘅边界开始、西至薄扶林道以东、南至薄扶林郊野公园以北、北至皇后大道以南。大概由1990年代开始，有地产行业相关嘅公司将半山区连同薄扶林嘅豪宅区叫“西半山”、中环金钟嘅豪宅区叫“中半山”、跑马地同渣甸山等地区叫做“东半山”、宝马山同柏架山嘅豪宅叫做“北半山”，但系呢啲并唔系官方名，只系称号或者将范围缩细。而市民大众日常普遍讲半山区，都系指呢个地段。

喺以前，主要都系外国移民住半山区，本地人系少数。

半山区拥有浓厚嘅殖民地色彩。例如有唔少历史特色嘅校舍，例如香港大学。重有，半山区有一啲以香港总督命名嘅街道，例如般咸道同坚尼地道。

呢度嘅所有文字系根据 CC BY-SA 3.0 牌照嘅条款发布；可能会有附加嘅条款。