0（粤拼：ling4，英文：zero）系一个数[1]，系 -1 同 1 之间嘅整数，系头一个自然数，0即系冇嘢。0唔系正数，亦都唔系负数。

集合论入边，0定义做空集，符号∅。

零（配搭其他简写或繁写中文数目字都得）

〇（只可配搭其他简写中文数目字）[注 1]

0唔系正数，亦都唔系负数，位于座标嘅原点。

大部分领域承认0系自然数，但有啲领域就唔承认，例如数论。

0既唔系质数亦唔系合成数。

0系一个完全平方数。

0系一个偶数，因为0除以2，余数系0。

0非正非负，0嘅相反数同绝对值都系佢本身。

0乘以任何一个实数都等于0，0加上任何一个实数都等于𠮶个实数。

0唔可以做对数嘅底。但系以唔系0嘅数做底嘅话，呢个数嘅0次方就等于1。

0嘅正数次方等于0，0嘅负数次方系冇定义嘅。

↑ 喺数码系统当中，此“〇”之万国码编号为“U+3007”，另有其他外形好似，而用处及编号皆异嘅字元。