黑陶文化，又叫龙山文化，系喺中国发现新石器时代一段文化

黑陶文化，又叫龙山文化，系喺中国发现新石器时代一段文化，年代大约公元前3000年到公元前2000年。时间来睇系迟过彩陶文化少少。呢个文化有好多石器，骨器，蚌器，而最特别系有好多黑陶，即系黑蚊蚊嘅陶器，所以就叫黑陶文化。黑陶文化主要系黄河中下游发现，因为佢最先响山东省历城县龙山镇发现，所以亦都叫龙山文化。

黑陶文化比陕西一带彩陶文化发展得快好多，揾食架生唔单止款多，连数都多。皆因佢哋已经识得用车整陶器。占巫都好发达。社会已经有私产，变做父系社会，亦都开始有阶级之分。城开始有雏形，因为已经有夯土造墙。

到咗后期，山西陶寺系家下发现到最大嘅黑陶文化遗址，有埋城墙。呢个时间已经种米。

新石器时代人口到咗呢个时间，已经系到顶。去到黑陶文化尾，人口跌得好快，墓里面掘到嘅黑陶质素亦都无咁好。

黑陶烧陶𠮶阵渗炭而变黑。呢阵时嘅黑陶系因为用车制，整嘅技巧好唔错。黑陶外面亦都打到好滑。不过黑陶好易打烂，所以慢慢畀金属取代。