期刊系定期出版嘅刊物，畀人阅读、参考、引用等，每出一版新嘅就为之一期，主要包括报纸、杂志同学术期刊。期刊嘅国际标准编号叫国际标准期刊号（ISSN）。

有啲期刊可以同时亦都系书，每期除咗有期刊嘅 ISSN 之外，仲会有独立嘅 ISBN，尔啲咁嘅期刊包括一啲以书嘅形式出版嘅杂志，同一啲学术性嘅研讨会论文集等等。

半周刊：半个礼拜出版一次，通常每个礼拜两个指定嘅礼拜几出版，例如逄礼拜二同礼拜五。

周刊：每个礼拜出版一次。

旬刊：每十日出版一次，通常每个月三个指定日期出版，例如每个月嘅1号、11号、21号。

双周刊：两个礼拜出版一次。

半月刊：每半个月出版一次，通常每个月两个指定日期出版，例如每个月嘅1号、15号。