屯门公路(Tuen Mun Road)系香港第一条高速公路,喺新界大陆西南岸,驳住荃湾同屯门,佢底下或者则边附近系青山公路。

屯门公路第一期(长17公里)喺1978年5月5号由香港总督麦理浩主持启用礼。当时系两条行车线去荃湾,一条行车线去屯门。到咗1982年,屯门公路成为每边可以三线行车嘅双程公路。

屯门公路系九号干线一部分。因为起𠮶阵技术太难兼要悭皮,所以设计唔够好,因此多严重交通意外同埋成日塞车,佢平均两日就有一次事故,而每次事故平均会令到交通受阻三十分钟,其中一次更加长达四个半钟[1]。而因此佢亦因为咁而出晒名。不过近几年条路改善好多,变成快速公路,同埋有青朗公路分担新界西北去市区交通,所以都轻微减少咗塞车同意外。

屯门公路唔使钱都用得,所以有啲车唔想畀钱经大榄隧道,来回市区同元朗或者新界西北其他地方,就会行屯门公路。

大部分来往屯门同市区嘅巴士路线都系经屯公,仲有小部分系经青山公路。而亦有部分以洪水桥为终点站嘅巴士都系行屯公。