一年一度端午节快到喇，食粽同龙舟竞赛当然唔少得。但大家有冇谂过，喺享受这热闹气氛之时，亦可发放爱心，与弱能人士共渡一个非一般嘅端午节呢?
自2010年起，爱群义工团义工每年都联同邻舍辅导会智龄专上学院嘅弱能人士一齐组成龙舟队 -“卧虎藏龙”队，参加龙舟竞赛，喺上年嘅“特能龙舟赛2014”共融决赛中更夺冠!
常言道“台上一分钟，台下十年功”。虽然“卧虎藏龙”队只是组成咗几年，但义工同埋弱能朋友喺每年3、4月间便开始练习。“隆! 隆! 隆!”大家喺擂鼓声中奋力划桨前进、齐上齐落，互相鼓励，体现伤健共融、同“舟”共济精神!
今年“卧虎藏龙”队将分别参加6月20日于西贡举行嘅“特能龙舟赛2015”同埋7月5日于尖沙咀举行嘅“国际龙舟展能邀请赛2015”，押解及支援组分队义工已经喺上个月开始与弱能朋友加紧练习，齐心协力向今年嘅龙舟比赛进发。
爱群义工团一直提供多元化的义工服务，其中包括探访独居长者、协助弱能人士融入社群活动、协办大型慈善活动和青少年教育等。如果你都想同我地爱心同行，透过不同嘅义工活动，关怀社群的话，诚邀你加入爱群义工团，成为我地一分子，一齐同“舟”共济啦!