散班

“大哨”朗拿度球员时代起孖当食生菜，估唔到依家贵为班主，一样可以“梅开二度”！讲紧嘅系佢名下球队高士路，周四(22日)喺巴乙以3比0大胜华斯高后，提前7轮锁定升班资格，系继佢今夏名下华拉度列升上西甲后，另一球队升上当地最高级别联赛，可谓双喜临门。 朗拿度担任华拉度列班主已经好多年，佢去年宣布斥资4亿雷亚尔(约5.48亿港元)收购高士路90%股份，正式入主呢支佢曾效力嘅巴西球会，今年初完成收购后，高士路表现如有神助，喺巴乙31场录得20胜8和3负积68分领先，已经抛离第5位球队23分，尚余7轮之下成功升班。 朗拿度入场同球员一齐庆祝，佢话：“球迷先系主角，3年来佢哋活喺散班阴影下，当我收购高士路时，得到球迷极大支持，就算我要做一啲艰难决定，球迷都理解同支持，对球迷嚟讲，今次系奖励，亦系解脱