凤池村天后宫座落喺香港新界元朗区屏山凤池村,附近系朗屏邨,主要供奉天后娘娘。喺1994年被评为一级历史建筑,并喺2010年2月4号得到确认评级[1]。附近嘅妈庙路同妈横路都用天后宫命名,可见庙宇喺元朗嘅地位举足轻重。
凤池村天后宫估计喺清朝康熙年间起,根据庙里面存有康熙二十三年(1684年)铸造嘅铜钟,得知间庙喺𠮶年或者更早之前起。天后宫喺光绪三十四年(1908年)重修过。
天后宫系传统两进一院三开间用青砖砌成嘅建筑,正面成凹斗式,花岗石嘅门框,庙额顶写住“天后宫”,院落封闭成香亭,屋顶正脊有博古嘅尾部。
祭仪同节庆[编辑]
凤池村村民时常都会到天后宫庆祝点灯同天后诞等节日。
古物古迹办事处香港传统中式建筑资讯系统:天后庙(凤池村)