创办人，系主力建立团体嘅人。团体可以系组织、公司、学会、会社、网站等等。

如果系法人团体，创办人通常所指嘅系第一份公司董事注册、社团干事名册、组织高级成员中有名嘅人。对于一个组织，佢哋都系具有控制权嘅人。不过，喺一个组织成立嘅时候，曾经出力、出资本嘅所有人，可能都会讲话佢哋系“创办人”，但一般来讲，都只会讲主要出力嘅人。

当一个组织能够长期成功，身为创办人系一种光荣，因此创办人多数会有身为父母嘅心态，继续出钱出力，支持个组织嘅发展同成长。但有时又未必，原因系当事人冇以此为荣，或者视之为“身外物”。例如当企业已经出售、冇咗控制权，或者网站已经转手他人。