伊曼努尔·康德（德语：Immanuel Kant；1724年4月22日－1804年2月12日）为启蒙时代著名德意志哲学家，德国古典哲学创始人，其学说深深影响近代西方哲学，并开启了德国唯心主义搭康德义务主义等诸多流派[1]。
康德是启蒙运动时期压末一位主要哲学家，是德国思想界个代表人物[2]。佢调和了勒内·笛卡儿个理性主义与法兰西斯·培根个经验主义，畀认为是继苏格拉底、柏拉图搭亚里士多德后，西方最具影响力个思想家之一。
康德有其自成一派个思想系统，并且有为数弗少个著作，其中核心个三大著作畀合称为“三大批判”，即《纯粹理性批判》、《实践理性批判》搭《判断力批判》，昰三部作品有系统个分别阐述佢个知识学、伦理学搭美学思想。《纯粹理性批判》尤其得到学术界重视，标志着哲学研究个主要方向由本体论转向认识论，是西方哲学史上划时代个巨著。此外，康德在宗教哲学、法律哲学和历史哲学方面也有重要论著。
康德哲学理论个一个基本出发点是，认为担经验转化为知识个理性（即“范畴”）是人与生俱来个，呒没先天个范畴我场就无法理解世界。佢昰只理论结合了英国经验主义与欧陆个理性主义，对德国唯心主义与浪漫主义影响深远。康德个道德哲学理论也邪气著名。此外佢还曾针对太阳系个形成提出第一个现代个理论解释，即康德-拉普拉斯假设。