《回归法》（希伯来文：חֹוק הַשְׁבוּת‎）系以色列喺1950年7月5号通过嘅一部重要法律，主要目的系方便流散海外嘅犹太人移居以色列，并获得以色列国籍[1]。《回归法》嘅第一条就开门见山恁讲明：“凡犹太人者，皆有以上升者（希伯来文：עלייה‎‎，指自愿移居以色列嘅犹太人）之身份，移居本国之权利。”[2]

1954年同1970年，以色列国会两次修订过《回归法》，其中1970年嘅修订案规定：犹太人嘅混血子孙（唔包括曾孙同玄孙等）、犹太人嘅配偶、犹太人嘅混血子孙嘅配偶，都可以通过《回归法》移居以色列，并获得以色列国籍，但系自愿改信其他宗教嘅前犹太教徒就唔得[2]。

2010年6月10号，一名犹太男人同佢嘅天主教徒同性配偶抵达以色列，希望获得以色列国籍。由于以色列未有过跨宗教同性配偶通过《回归法》获得以色列国籍嘅先例（但系就有过跨宗教异性配偶成功嘅先例），因此犹太男人获得以色列国籍之后，佢嘅天主教徒配偶一直攞唔到以色列国籍[3]。由于《回归法》无明文规定回归犹太人嘅配偶要系异性先攞到以色列国籍，2011年8月10号，以色列内务部决定畀个天主教徒获得以色列国籍[4]。

⚖ 尔篇回归法 (以色列)系一篇关于法律嘅楔位文章。你可以编辑尔版充实内容。