珍葛雷（Lady Jane Grey，1537年10月12号—1554年2月12号）系英伦女王，1553年7月10号到7月19号在位。

佢系亨利七世嘅外曾孙女。1553年爱德华六世驾崩前绕过第三继承法，另立一套王位继承规则，指明由珍葛雷继承王位，而飞起佢两个家姐玛丽同埋伊利沙伯。不过珍葛雷继位之后，得唔到支持，最后做得九日女王就被废，玛丽成为玛丽一世。

之后珍葛雷曾经获赦免谋反罪。但后来由于佢阿爸、第一代沙福公爵亨利葛雷喺1554年怀亚特起事有带头角色，珍葛雷同埋佢老公1554年2月12号喺伦敦塔被斩头。