奥云（Michael Owen，1979年12月14号—）系英伦前足球员，司职前锋。

佢响利物浦出身，早响1998年FIFA世界杯就已经上位，当时佢对住阿根廷就攞到一个世界波。2001年利物浦赢得足总杯、联赛杯同欧洲足协杯，奥云重因此赢得欧洲足球先生。所以佢嘅转会传闻，就响呢个时候开始出现。但利物浦曾经话过，奥云一只脚已经值二千五百万英镑。

佢响2004年转会皇家马德里，但佢呢次转会系失败嘅，因为皇马当时已有好多攻击球员，好似施丹、朗拿度等等，奥云因而冇咩上阵机会。

2005年佢转会纽卡素，但系佢不停受伤，加上纽卡素管理混乱，奥云嘅前景一直受到关注。2009年纽卡素降班，奥云以自由身加盟曼联。2012年9月转投史笃城。2013年5月挂靴。