纳米比亚共和国（英语：The Republic of Namibia）勒非洲西南部，北面靠牢尚比亚搭安哥拉，东面连牢博茨瓦纳，南面接牢南非。纳米比亚1990年3月21号从南非统治下头独立。现在人口差弗多200万。
海拔1000-2000米，干旱少雨，属于亚热带、半沙漠性气候。全国分成功13个行政区搭50个地方政府，首都温得和克。地图高头比较突出个是东北面深入非洲腹地个、狭长个卡普里维地带，渠实际上1890年德国搭英国交换殖民地后搞落个，个恁德国理论上好通过尚比西河咾啥连接纳米比亚搭坦尚尼亚东西两块殖民地。但是此地本生居住个是洛齐人，莫名其妙并入纳米比亚之后成为少数民族。