阿拉伯半岛（阿拉伯语：شبه الجزيرة العربية）勒亚洲搭非洲之间，从中东朝东南方伸进印度洋。面积300万平方公里，是世界上顶大个半岛。勒西面俚搭非洲个边界是苏伊士运河、红海搭曼德海峡。朝南俚伸进阿拉伯海搭印度洋。朝东俚搭伊朗隔仔波斯湾搭阿曼湾。沙特阿拉伯、也门、阿曼、阿拉伯联合酋长国、卡塔尔、科威特、约旦、伊拉克勒阿拉伯半岛浪。其中以沙特阿拉伯顶大。
阿拉伯半岛一年到头畀副高压带搭信风带控制，交关干燥，几乎整个半岛侪是热带沙漠气候区还有面积蛮大个无流区，本区有七个呒不河个国家。半岛沿波斯湾周围有穷大个石油储藏，畀阿拉伯半岛浪靠牢波斯湾个国家带得来弗少钞票。
阿拉伯半岛是伊斯兰教个诞生地。伊斯兰教个创教人穆罕默德勒该哒养出来、长大。半岛浪个麦加是伊斯兰教个圣地。以阿拉伯半岛为中心个阿拉伯帝国曾经横跨欧、亚、非大陆。今朝半岛浪所有国家侪以伊斯兰教为国教。