揾紧第二个意思嘅话，请睇“显示器”。
荧光幕系用来睇画面嘅电子架生。电视、电脑、游戏机、示波器同好多电子仪器都要用到荧光幕来睇资料。荧光幕可以系单色或者彩色。原本荧光幕系用阴极射线原理，今时今日，唔少荧光幕已经转用液晶体，有机发光二极管（LED），甚至用等离子。
荧光幕，本身净系指显像管有画面发光嘅部分。当电子束落响荧光幕上，令荧光物质发光。荧光幕只系显像管嘅一部分，显象管亦只系电视、示波器、电脑荧光幕其中嘅零件。
一般人最先接触系电视机，荧光幕净系指显示会郁嘅画面最嘅部分，好清晰嘅区分。之后电脑同用显示嘅 "monitor" 开始普及起黎，每当有新嘢，用途类似，人一样用旧时相似嘅嘢来讲，好似汽车都唔会有蒸汽，都一样叫汽车，火车家下唔用火，一样叫火车。讲下讲下，有人用“荧光幕”来讲成件架生本身，约定俗成，有人将荧光幕当做用黎显示嘢件嘢个名喇。
值得注意嘅冇人会将“荧光幕”当做电视嘅代替名词，皆因两个词已经响功能竖有分工喇，指唔同嘅嘢。不时会听倒“荧光幕前嘅艺员”，荧光幕系电视会画面，艺员响荧光幕前“出现”。