求胜心不减！快速反击被吹停，C朗大发雷霆食牌！

沙特国王杯8强，艾纳斯主场对阵艾卜哈，以3-1胜出。葡萄牙球王C朗拿度加盟后，各项赛事对上8场已经入咗8球，不过，佢近来遇到入球荒，连同呢一场，C朗已经累计连续三场无波入，所以佢本人都好心急想入波。

虽然上半场艾纳斯已经领先2-0，但完半场前就发生咗一段小插曲。上半场补时第3分钟，C朗带波准备反击，但球证突然吹响半场结束嘅哨音，很不是味儿嘅C朗于是拾起地上嘅波，愤怒地大脚踢走，结果换嚟一张黄牌警告。

最终无入波又食牌嘅C朗亦未有踢完全场，临完场前被换走，当时仲念念有词。