唔知大家仲记唔记得TVB经典电视剧《冲上云霄》呢？先有《冲上云霄》、《冲上云霄2》同埋电影版后，最近又有消息话会出现第三部曲 ：《冲上云霄2020》！更有传呢几位内地女星会成为女主角。
《冲上云霄》喺2003年播出，系香港电视史上首次以航空业为题材，套剧一推出就已经获得超大回响。当时未系男一嘅马国明都有份㗎！
《冲上云霄》收视最高达到37点，亦因为呢套剧令当时投考飞机师嘅人数大增！收视咁多，根据TVB做法就紧系要出第2辑啦！所以《冲上云霄2》喺2012年播出，虽然旧人叶璇、陈慧珊、马德钟、陈键锋等人无得留低，不过加入咗新血，陈法拉饰演嘅Holiday和张智霖饰演嘅Cool魔都好入屋㗎！
有消息指无线将会开拍第三部曲《冲上云霄2020》，参演名单一直都受到外界关注，特别是无线在月前宣布将会与腾讯合作，耗资2亿人民币开拍，大家都好想再知多啲。而无线（节目及制作）副总经理杜之克早前就提过《冲上云霄2020》嘅故事背景会喺内地。
而演员名单就一直处于神秘状态，有唔少传闻都话饰演Sam哥嘅吴镇宇仲会继续参演，但系张智霖和饰演夏晨嘅胡杏儿就因为公司同无线有官司未能参演。
而因为呢套剧系以内地为背景，加上系合作剧，因此有传TVB会请人气爆灯嘅内地演员加盟，就好似迪丽热巴、杨幂、黄子韬、Angelababy、陈伟霆等，不过香港观众就未必太Buy喇！而且剧集主题翻炒再翻炒，相信都有唔少观众觉得闷同无新意。