照镜潭，原叫灶颈潭，喺香港新界大埔区嘅船湾郊野公园。景点包括“照镜潭瀑布”同“照镜潭”，瀑布高达35米，水花四溅，令到观光客有极端清凉嘅感觉。沿住水潭边，有几嚿巨石可以仰卧，感受吓天然嘅景观。水潭有两层：顶层由水潭顶部穿过圆窿流下河水而形成，窿高约3米，河水由顶层流去下层，下层嘅水潭叫做“𰶎龙潭”，被誉为香港最壮观嘅瀑布，吸引唔少观光客去影相。
喺港铁大埔墟站搭九龙巴士75K线到大美督，再行大概40分钟。
喺港铁大埔墟站搭九龙巴士275R线直达（只限星期日同公众假期）。
喺港铁大埔墟站搭绿色专线小巴20R线。
喺港铁大埔墟站搭绿色专线小巴20C线到大美督，再行大概40分钟。