空集（英文：empty set），又叫空集合，喺集合论里面，无元素（成员）嘅集。空集用符号∅来表示，有时为咗方便打起见，亦写做{}，即系集符号里面无元素。

空集只有一个：假设有两空集 A 同 B，咁 A 包含 B 而且 B 包含 A，由外延公理（如果两个集嘅元素一样，咁佢哋系同一个集）得出结论 A=B；所以空集系唯一嘅。

空集嘅幂集，只系一个集装住空集：

空集嘅元素数目系0，即系佢个势系0，因而空集系有限集：

空集同0其实有更深刻嘅关系，如果要用集合论嚟定义自然数嘅话，例如用Zermelo-Fraenkel集合论嘅话，0嘅定义就系空集，即系话，0唔单止系一个“数字”，佢仲系一个集合，而呢个集合就系空集。

喺空集上面只得一种方法定义拓朴结构，就系唯一嘅开集就系个空集。呢个拓朴空间喺拓朴空间范畴入面亦都系初物件。