陈南昌（Chan Nam Cheong；1900年—1971年[1]）系香港富商，香港政府曾委任佢做太平绅士。佢主要根据地响深水埗。有份开维他奶[1]，亦开咗香港四邑商会、新会商会[1]，捐过唔少钱起学校。
陈南昌1900年出世，系广东新会人[1]。十几岁到就跟老头去澳洲读建筑[1]。1930年代初，佢来香港做外资则楼做助手[1]。
1931年，佢同黎绣珍结婚[1]。
1933年响深水埗买地[1]。1940年，佢同罗桂祥一齐搞维他奶[1]。1941年，又搞起香港四邑商会、新会商会[1]。
陈南昌做过唔少慈善活动。佢长期帮手搞香港儿童安置所同捐钱办学[1]。所以家下唔少四邑商会名下的中小学校，都有佢个名，当中唔少响佢死咗之后，佢个仔先至用佢个名命名。
1957年，陈南昌重做埋香港足球总会阿头[1]。佢带香港足球代表队去南洋比赛，香港球王姚卓然胜利而归，佢亲自接机重同佢拎行李[1]。
陈南昌个孙声称深水埗南昌街以陈南昌个名命名[1]，南昌街尾附近嘅南昌邨同港铁南昌站就间接以佢个名命名，但香港史学家何国标反驳指出南昌街命名𠮶阵陈南昌只不过系7岁细路哥[2]，所以深水埗南昌街系唔关陈南昌事，而系同深水埗区内其他街一样用大陆城市街名（例如九江街、桂林街）命名。