冥神星（小行星序号：134340 Pluto；天文代号：♇，Unicode编码U+2647）旧称“冥王星”，是柯伊伯带里个矮行星。头一只发现个柯伊伯带天体，太阳系里向已知体积最大、质量第二大个矮行星。

1930年克莱德·汤博发现渠，视作第九大行星——冥王星。1992年后柯伊伯带发现一眼质量搭渠相若个冰制天体，挑战著渠个行星地位。2005年发现个阋神星质量甚至比冥王星质量多出27%，国际天文联合会（IAU）因此翌年正式定义“行星”概念。新定义拿冥王星排除出行星范围，拿渠㓰为矮行星，[1]吴语相应改称“冥神星”。