乌克兰足球代表队系代表乌克兰嘅足球代表队，由乌克兰足球总会管辖。自从苏联解体之后，佢哋就代表乌克兰呢个独立国出战国际赛，佢哋嘅首场比赛系喺1992年4月29号对匈牙利。

苏联未解体之前，乌克兰球员只可以代表苏联足球代表队出赛，就算苏联解体之后，乌克兰都仲要被禁止参加国际主要赛事直到1994年。

喺2005年之前，乌克兰从未入过重要大赛（例如FIFA世界杯、欧洲国家杯）嘅决赛周。

2006年FIFA世界杯，球队喺外围赛表现出色，最终出线决赛周，系乌克兰第一次参加重要大赛嘅决赛周。喺决赛周，乌克兰攞到小组次名出线十六强，然后凭住互射十二码淘汰瑞士晋级八强，最终以0-3输咗畀最后攞到冠军嘅意大利出局，但已经系乌克兰史上最好嘅大赛成绩。

另外，乌克兰分别喺2012年同2016年打入欧洲国家杯决赛周，不过就喺小组赛出局。到2020年欧洲国家杯，乌克兰连续第三次晋身欧洲国家决赛周，喺小组赛分别输咗畀荷兰同奥地利，只能打败北马其顿，以**分组第三名历史性晋级十六强。佢喺加时绝杀瑞典晋级八强。最终喺八强以0-4输咗畀英格兰。

乌克兰国家足球队喺FIFA.com嘅球队资料 （英文）

呢篇乌克兰国家足球队系同足球有啦掕嘅楔位文章，重未搞掂嘅。麻烦你帮手补充佢嘅内容。

呢篇文章系乌克兰楔位文。欢迎帮维基百科扩写佢。