省善真堂系香港九龙区大规模嘅道观之一，系慈善道佛宗教团体，喺九龙塘律伦街7-8号。“省善真堂中西医诊所”就喺九龙城贾炳达道。 省善真堂嘅前身系喺1942年喺中国广东东莞成立嘅“蓬瀛阁”，重设有“善宝善社”，系负责赠衣施食嘅慈善工作。第二次世界大战之后搬嚟香港，1952年喺九龙深水埗营盘街成立咗“省善真堂”。1958年就俾华民政务司立案成为庙宇。1959年搬去谭公道。更喺1967年同1968年分别注册成为“有限公司”同“非牟利道教慈善团体”。1970年搬去九龙塘律伦街八号，并喺1990年再买埋隔离七号，扩建至而家嘅规模。 省善真堂里面设有三清正殿、文殊大殿、斗姆阁、鸾坛同观音殿等。