高圆宫（日文：高円宫，たかまどのみやTakamadonomiya）系日本现存嘅四大宫家之一，由三笠宫崇仁亲王细仔高圆宫宪仁亲王响1984年12月创立。依家嘅当主系宪仁亲王妃久子。
佢个名嘅灵感系嚟自崇仁嘅宫号三笠宫。因为三笠宫尔个名嘅灵感系嚟自奈良市东部嘅三笠山，而响三笠山隔离又有座山，叫高圆山。高圆宫个名就系嚟自高圆山[1]。
生前，宪仁亲王同妃久子净系得三个女（分别系承子女王、千家典子、守谷绚子），冇仔，而典子同埋绚子都已经嫁咗畀人而脱离咗皇籍[2][3]，所以当如果承子女王嫁人或者死咗嘅话，咁高圆宫就会绝家，换言之即系高圆宫会畀人废除。
近年日本政府有意修改皇室典范嘅规定，指当如果内亲王或者女王嫁人之后，可唔可以保留佢同埋佢嘅仔女嘅皇室身份。如果尔条修例最终通过嘅话，咁承子女王嫁人同生仔之后都继续系皇室成员，换言之𠮶时嘅高圆宫可能唔会畀人废除，而系由承子女王同埋佢嘅仔女将尔个宫号一直传落去[4]。