三笠宫（日文：みかさのみやMikasa no miya）系日本现存嘅四大宫家之一，响1935年（昭和10年）因为崇仁亲王成年而设。
但系依家嘅三笠宫冇仔，净系得女，照住皇室典范，当依家嘅当主崇仁亲王妃百合子死咗之后，三笠宫会绝家，换言之三笠宫会被废除。
三笠宫响1935年由大正天皇细仔崇仁亲王成立，灵感嚟自奈良市东部嘅三笠山。
1980年至1984年之间，崇仁三个仔都先后离开三笠宫：大仔宽仁另起“三笠宫 宽仁亲王家”；二仔宜仁出去继承桂宫；而细仔宪仁就另起宫家高圆宫。
2012年，原先预定继承三笠宫嘅大仔宽仁病死，所以“三笠宫 宽仁亲王家”同三笠宫合并。
2016年，前当主崇仁亲王过身，佢三个仔全部死嗮，又冇男孙，所以当主一位由百合子继承。
大女：宁子内亲王（因为下嫁畀人而皇籍脱离）
二女：容子内亲王（因为下嫁畀人而皇籍脱离）
细孙女：瑶子女王（宽仁亲王细女）