今日放假,带小B去青衣接爸爸放工。原来青衣城开左二期,原来真系好耐无黎啦。原来二期开左好多新餐厅,最后决定拣呢间日式料理。铺头细细间座位唔系太多,都等左一阵位。

慢煮牛肉炒滑蛋配番茄牛肉汁 $92

卖相非常靓仔,滑蛋本身真系好滑,蛋味浓。主角系牛肉配番茄牛肉汁,酱汁味道非常浓郁,酸酸甜甜好开胃,牛肉薄薄一片非常入味,汁又够多,捞饭一流。

明太子奶油意粉 $88

奶油汁味道好浓,加上明太子有轻微辣味。主角有一只帆立贝,几鲜甜嘅,仲有一pat明太子,可以自行调味。配料仲有一啲菇同埋紫菜,非常和风,仲好好味。

可惜今日唔太肚饿,其实仲想试埋火山石烧牛排,下次揾机会!